En il Vallais candideschan duas dunnas da la Partida verda per in dals tschintg sezs en la regenza. La partida trametta Brigitte Wolf e Magali Di Marco en la cursa per las elecziuns. Quai han ils delegads decis il glindesdi ad ina radunanza virtuala.
Ina da las candidatas, Brigitte Wolf, è ina Grischuna. Ella e viva dapi 25 onns en il Vallais, è biologa e s’engascha per la protecziun dal clima e l’egualitad tranter dunna ed um.
Magali di Marco ha 49 onns. Ella ha chattà ses cor per la politica tar las elecziuns naziunalas il 2019. L'onn 2000 ha ella gudagnà als gieus olimpics ina medaglia da bronz en il triatlon.
Las elecziuns da la regenza vallesana èn ils 7 da mars 2021.
audio
Per tadlar: Las novitads da las 09:00
ord RTR Audio dals 24.11.2020.
laschar ir. Durada: 3 minutas 27 Secundas.