Siglir tar il cuntegn

Header

cuntegn

Elecziuns Son Gagl Attatga da la PPS fa naufragi – PS e PLD salvan lur sezs

En il segund scrutini da las elecziuns per la regenza èn elegids Laura Bucher (PS) e Beat Tinner (PLD). Michael Götte (PPS) n'ha per pauc betg dumagnà.

Beat Tinner ha survegnì 56'028 vuschs, Laura Bucher 54'328. Betg elegì è il candidat da la PPS, Michael Götte cun 52'696 vuschs. La participaziun è stada tar 34,4% dals votants e las votantas.

Reelegids en l'emprim scrutini eran vegnids ils cussegliers guvernativs d'enfin qua: Bruno Damann (PCD), Marc Mächler (PLD), Fredy Fässler (PS) e Stefan Kölliker (PPS). Sco suletta candidata nova aveva Susanne Hartmann (PCD) dumagnà gia en l'emprim scrutini. Uschia consista la regenza songagliaisa da set chaus vinavant da mintgamai dus commembers da la PCD, la PLD e la PS, ed in da la PPS.

Artitgels legids il pli savens

Ir a sanester Ir a dretg