Siglir tar il cuntegn

Header

cuntegn

Elecziuns Son Gagl Duel tranter la PPS e la PS per successiun da Rechtsteiner

Il sez liber da Son Gagl en il Cussegl dal Chantuns va u a la PS u a la PPS. Tut las candidatas da las ulteriuras partidas desistan da prender part en in segund scrutini. Oz ha la liberala Susanne Vincenz-Stauffacher annunzià sia renunzia.

Esther Friedli da la PPS aveva fatg passa 55'000 vuschs en l'emprim scrutini. La candidata da la PS Barbara Gysi var 22'000. Envers Keystone SDA deplorescha la candidata liberala dentant da betg far part a la cursa. Ella na veglia dentant betg divider il champ burgais.

Damai ch'ella ha rimnà dapli vuschs che la candidata da la PS, n'ha Vincenz-Stauffacher betg desistì gugent. Sche la PS e Barbara Gysi avess desistì, avess i dà in cumbat tranter ils champs conservativ-burgais e progressiv-burgais, di Vincenz-Stauffacher.

audio
Per tadlar: las novitads da las 12:00
ord RTR Audio dals 15.03.2023.
laschar ir. Durada: 5 minutas 46 Secundas.

RTR novitads 12:00

Artitgels legids il pli savens