Il chantun Vallais trametta era per questa legislatura dus commembers da la Partida cristian-democratica en il Cussegl dals chantuns. En il segund scrutini han ils Vallesans elegì il cusseglier dals chantuns d’enfin qua, Beat Rieder (52'355 vuschs) e da nov Marianne Maret (47'032 vuschs). Cun Maret ha il Vallais per l'emprima giada ina dunna en il Cussegl dals chantuns.
Sin il terz plaz è il social-democrat Mathias Reynard. Cun total 47'032 vuschs ha el fatg mo 1'370 vuschs pli pauc che Maret. Sco gia spetgà han ils ulteriurs dus candidats giugà be ina rolla laterala. Uschia ha Brigitte Wolf dals Verds fatg 31'411 vuschs ed il candidat da la PPS, Cyrille Fauchère 14'227 vuschs.
RR novitads 15:00