Siglir tar il cuntegn

Header

cuntegn

4 ultims sezs Ultims cussegliers e cusseglieras èn elegids

En il chantun Sviz tschiffa la PCD in sez da la PPS, en il chantun Argovia va la PPS e la PLD cun ils sezs, ed en l'Argovia fan Ils Verds la cursa.

Sviz: PCD tschiffa sez da PPS

La PCD dal chantun Sviz turna suenter ina pausa dad otg onns en il Cussegl dals chantuns. En il segund scrutini fa il cusseglier guvernativ Othmar Reichmuth (PCD) 2'000 vuschs dapli che Pirmin Schwander da la PPS. La participaziun a l'urna è stada tar 43,9%. Reichmuth, che viva ad Illgau, remplazza Peter Föhn da la PPS, ch'è sa retratg.

Argovia: PPS va per sez da PS

Il suveran dal chantun Argovia ha elegì: Il favurit Thierry Burkart (PLD), che ha defendì il sez da Philipp Müller (PLD), ha survegnì 99'372 vuschs. El ha fatg il meglier resultat da tuts quatter candidats. Sco segund cusseglier dals chantuns è vegnì elegì Hansjörg Knecht (PPS) cun 73'692 vuschs. Manchentà ina elecziun han Marianne Binder-Keller (PCD) e Ruth Müri (Verds). La PPS reconquista in sez da la PS.

Basilea-Champagna: Ils Verds fan la cursa

Basilea-Champagna trametta per l'emprima giada ina dunna en il Cussegl dals chantuns: Maya Graf dals Verds è vegnida elegida en il segund scrutini ed ha fatg 2'093 vuschs dapli che sia concurrenta Daniela Schneeberger (PLD).

RTR novitads 14:00

Artitgels legids il pli savens