45,3% da las persunas che han prendì part a la retschertga han inditgà da vulair dar la vusch a Stefan Engler e 43,4% a Martin Schmid. Dals ulteriurs quatter candidats ha be Jon Pult (PS) cuntanschì il pli absolut. 34,4% han inditgà da vulair eleger il candidat socialdemocratic.
Stefan Engler sco quel che ha survegnì las pli bleras vuschs, ha plaschair. El è dentant er pertschert ch'i vegn votà per propi pir ils 20 d'october.
Martin Schmid è pertschert ch'el ha l'avantatg dad esser gia en uffizi, ma el cumbattia er per ses sez en il Cussegl dals chantuns.
Engler e Schmid sustegnids sur tuttas partidas
L'avantatg dad Engler e Schmid è ch'els survegnan vuschs da persunas sur l'entir spectrum da partidas – da la dretga fin la sanestra. Entant che Jon Pult ha surtut sustegn da sia atgna partida e las partidas verdas. Era Valérie Favre Accola (PPS) ha survegnì vuschs prest be da sia atgna partida.
Duvrass in terratrembel per midada
Tenor il manader da l’institut Sotomo Michael Hermann è il resultat tant sco franc. Be in grond scandal enturn las persunas da Stefan Engler u Martin Schmid pudess anc midar il resultat.
RTR actualitad 17:30