Siglir tar il cuntegn

Header

cuntegn

Cussegl dals chantuns Pli verd, pli feminin e blers segunds scrutinis

Co ch'il Cussegl dals chantuns vesa ora sa mussa pir il november: 22 dals total 46 sezs mancan anc. E tuttina sa mussa gia: La chombra pitschna pudess daventar pli verda e pli feminina.

L'unda verda para era da tschiffar il Cussegl dals chantuns: La Partida verda conquistà la dumengia dus novs mandats - enfin uss avevan ils Verds be in represchentant en la chombra pitschna (Robert Cramer / GE). Ed en il segund scrutini han pliras candidatas verdas schanzas sin ina elecziun.

Tuttina: La maioritad en il Cussegl dals chantuns han anc adina las partidas burgaisas.

Probabel vegnan dentant dapli dunnas a prender plaz en la chombra pitschna.

Effectiv elegidas èn pir tschintg dunnas:

  • Céline Vera (NE)
  • Heidi Z'graggen (UR)
  • Eva Herzog (BS)
  • Elisabeth Baume-Schneider (LU)
  • Brigitte Häberli-Koller (TG)

Suenter ils segunds scrutinis il november pudessan enfin 11 dunnas prender plaz en il Cussegl dals chantuns. Gist en plirs chantuns han las dunnas dentant fatg buns resultats en l'emprim scrutini.

Video
«Nus dunnas aviain tegnì ensemen»
Or da SRF News dals 20.10.2019.
laschar ir

RTR elecziuns 2019