Siglir tar il cuntegn

Header

cuntegn

Cussegl dals chantuns Verd-liberals cun candidatura

Géraldine Danuser, la politicra dals Giuvens verd-liberals grischuns candidescha per il Cussegl dals chantuns. Il cusseglier dals chantuns en uffizi Stefan Engler da la PCD beneventa la concurrenza.

Géraldine Danuser ha 24 onns, è creschida si a Cuira e studegia giurisprudenza. Ella è presidenta dals Giuvens verd-liberals dal Grischun. Sco la politicra giuvna di, veglia ella s'engaschar per ina societad liberala. Ulteriuras finamiras sajan da promover in'economia da martgà persistenta ed innovativa, e da proteger l'ambient.

Concurrenza è bainvegnida e respectada

Il cusseglier dals chantuns en uffizi Stefan Engler (PCD) sco er Jon Pult (PS) beneventan la concurrenza. Uschia hajan Grischunas e Grischuns ina pli gronda schelta.

Er Heinz Brand, il president da la PPS, respecta la candidatura da Géraldine Danuser. Quella candidatura mettia dentant betg sut squitsch sia partida. Independentamain da quella saja la PPS vid manar discurs interns, per tut tenor preschentar in'atgna candidatura per il Cussegl dals chantuns.

RR novitads 11:00