Siglir tar il cuntegn

Header

cuntegn

Discussiun da podium Emprim inscunter per cumbat per Berna

Durant duas uras ed en quatter blocs tematics han debattà 14 candidatas e candidats a chaschun da l'emprima discussiun da podium en vista da las elecziuns naziunalas l'atun 2019. Envidà han las pendicularas Grischun. Novas posiziuns ha il public betg udì.

audio
Bunura: Nagut da nov a la discussiun da podium sin il Rothorn
ord Actualitad dals 26.06.2019.
laschar ir. Durada: 4 minutas 46 Secundas.

Mintga partida ha pudì trametter duas candidatas u candidats a la discussiun da podium sin il Rothorn. En tut hai dà quatter blocs nua ch'igl è vegnì discussiunà mintgamai ina mes'ura:

  • Differenza tranter citad e campagna (regiun e periferia)
  • Politica da turissem
  • Tschains d'aua
  • Protecziun da natira e clima

Novas posiziuns u surpraisas n'hai dà naginas per il public ch'è derivà per il pli da la branscha da turissem.

Per ina giada tuts dal medem avis

Tar ils tschains d'aua èn alura tuttas partidas stadas dal medem avis. Ins saja cuntent ch'i dat 110 francs l'ura kilowatt e tuts ch'èn da l'avis che pli pauc na poi betg dar. Malgrà quai stoppian ins dentant er esser cuntent ch'ins è vegnì tras cun questa pretensiun giu Berna.

Experientscha versus slogans placativs

Posiziuns n'hai betg dà novas. Quels ch'èn dentant gia a Berna han discurrì ord experientscha ed han mussà quant plaun che las rodas a Berna molan. Da quels che vulan vegnir reelegids èn er tuts stads preschents a la discussiun. Quels ch'èn gia stads en in parlament han er in tschert profil e san co e tge ch'è da dir.

Quels ch'èn nov sin las glistas da partidas n'han dentant betg mussà bler auter che slogans placativs, ma propi insatge concret n'è betg vegnì da là.

Dossier elecziuns19

Avrir la box Serrar la box

RR actualitad 07:00

Artitgels legids il pli savens