Siglir tar il cuntegn

Header

Navigaziun

cuntegn

Dumengia saira a las 20:00 Cun ils sis candidats a la maisa da discussiun

Ils sis candidats per il Cussegl dals chantuns vegnan a la maisa da discussiun dal Radio Rumantsch. La discussiun emetta RTR dumengia ils 15 da settember a las 20:00.

Tar las elecziuns 2011 e 2015 hai dà nagin cumbat per ils dus cussegliers dals chantuns. Quest onn datti concurrenza da dretg e sanester per il cristiandemocrat Stefan Engler ed il liberal-democrat Martin Schmid. Gist quatter attatgan lur sezs. Il socialdemocrat Jon Pult, Valérie Favre-Accola da la PPS, la vertliberala Géraldine Danuser e l’independent Timo Stammwitz.

grafica dals 6 candidats.
Legenda: RTR, Grafica

Dumondas per la discussiun

Tge è lur motivaziun e vesan els propi schanzas envers il duo en uffizi? Tge relaziun han las duas candidatas ed ils quatter candidats cun il luf ? Quants lufs cumporta il Grischun anc? Proteger u sajettar ? Protecziun dal clima e la strategia d’energia 2050. Ovras atomaras van da la rait e noss autos vegnan electrics. Il Grischun e ses potenzial per dapli energia solara e forza idraulica.

Ils sis candidats per il Cussegl dals chantuns discutan davart talas e dapli dumondas. La discussiun vegn moderada da Georgina Janki.

RTR elecziuns 2019