Sch’ins emblida però da francar va la cuverta d’eleger il bler tuttina tar la vischnanca e la vusch vegn quintada. Era il porto e la surtaxa surpiglia la vischnanca per il pli. Ma quai n’è betg dapertut uschè.
Ir a la urna n’è betg en moda
Bleras vischnancas en il Grischun dian, ch’ils pli paucs van la dumengia d’elecziuns directamain tar l’urna a bittar en la brev. Ils blers van directamain tar la chascha da brevs tar la chanzlia a bittar en la cuverta. Ils paucs elegian per posta e quels francheschan per gronda part è la cuverta. Fitg paucs emblidan da francar. Tar las elecziuns naziunalas il 2015 èn a Cuira sulet 180 brevs betg stadas francadas.
Blers dattan pir giu ils ultims dis la cuverta
Ina gronda part da las vischnancas en il Grischun han ditg, ch’ils blers dils votants dattan pir giu la cuverta curt avant las elecziuns. La participaziun en las vischnancas saja il mument perquai sco usità tar elecziuns u votaziuns.
Nagin ha ditg ch’extrem blers sajan ir ad eleger fin uss. Per la chanzlista da la Val Müstair cun radund 1500 abitants, sajan 250 vuschs fin uss pauc. Il chanzlist da la Lumnezia manegia però che bunamain 300 vuschs sin radund 2000 abitants fin uss, saja normal.
RR actualitad 11:45