Il suveran svizzer elegia oz ses parlament per ils proxims quatter onns. En tut èn quai 200 cusseglieras e cussegliers naziunals e 46 cusseglieras e cussegliers dals chantuns. En il Grischun vegnan dus represchentants per il Cussegl dals chantuns e tschintg represchentantas e represchentants per il Cussegl naziunal elegids.
Votaziuns ed elecziuns communalas
Sper las elecziuns federalas ch'èn en il focus datti er insaquantas decisiuns sin livel communal. Tranter auter datti votaziuns davart projects fotovoltaics a Mustér e Claustra. Pliras vischnancas elegian il presidi. Sin rtr.ch datti tut ils resultats.
