Siglir tar il cuntegn

Header

cuntegn

Elecziuns federalas 2015 Dretg u sanester?

Per las partidas sanestras è Verdabbio en il circuit da Roveredo in dals puncts marcants sin la charta politica. A Verdabbio han numnadamain las partidas sanestras, oravant tut la Partida socialdemocrata, lur pli numerus adherents, almain en pertschient. E las partidas dretgas?

Il Grischun è in chantun plitost dretg. Vul dir: En las elecziuns dal Cussegl naziunal il 2011 han votantas e votants plitost dà lur vuschs a partidas da la vart dretga dal spectrum politic. En quest spectrum figurescha tranter las partidas dal Grischun la Partida populara svizra (PPS) il pli dretg e la Partida socialdemocrata (PS), resp. la Verda il pli sanester (guarda chaschetta).

audio
Mezdi: Quant dretgas èn las vischnancas?
ord Actualitad dals 04.09.2015.
laschar ir. Durada: 5 minutas 27 Secundas.

Grischunas e grischuns han preferrì il 2011 candidats da partidas da l'in tra l'auter in zichel pli dretg ch'il center. Il center matematic da las posiziuns da las partida en il Grischun fiss tenor l'indicatur da Smartvote 41. La media grischuna giascha sin 43. Per cumparegliar: Avessan tut las Grischunas e tuts grischuns dà lur vuschs unicamain a la PPS fiss quella media 71; avessan votantas e votants preferrì la PS fiss la media 10.

Spectrum dretg-sanester

Avrir la box Serrar la box

La plattafurma per agid en elecziuns svizra Smartvote ha classifitgà il 2011 tut las partidas tenor lur tenuta politca. Sin in spectrum tranter 0 (totalmain sanester) fin a 100 (totalmain dretg) èn vegnidas lassifitgadas las partidas sco suonda:

Avrir la box Serrar la box

Partida populara svizra (PPS) 71.9

Partida liberademocratica (PLD) 51.8

Uniun democratica federala (EDU) 48.2

Partida burgaisdemocratica (PBD) 42.1

Partida cristiandemocratica PCD) 39.2

Partida verdliberala (PVL) 28.3

Partida socialdemocratica (PS) 10.2

La Verda (VERDA) 9.6

Avrir la box Serrar la box

La posiziun sin il spectrum vegn definida cun las respostas ch'ils comembers da la partida dattan mintgamai a Smartvote.

Smartvote classifichescha dapi varga 10 onns candidatas e candidats per elecziuns en Svizra cun ils profils renumads smartspider. L'aspect dretg-sanester po vegnir tratg ord il smartspider.

Fans da la sanestra

Grondas regiuns ch'èn tras a tras dominadas u da la sanestra u da la dretga na para quai betg da dar en il Grischun. Ils pli - en zifras relativas - numerus adherents da la sanestra sa chattan però a Verdabbio en il cirquit da Roveredo. A roveredo mussa l'indicatur dretg-sanester 31 (guarda charta qua sura). Uschia ch'ins po dir che Verdabbio è stada en las elecziuns dal Cussegl naziunal dal 2011 la vischnanca la pli sanestra dal Grischun. La vischnanca la pli dretga è alura Farera, be in ura cun auto davent atras il san bernardino. A Farera en il district dal Rain Posteriur mussa l'indicatur dretg-sanester 56. Quasi uschè ferm è il sustegn per la dretga a S. Antönien ed a Cunter en il Partenz.

Vischins cuntrastivs

Ina chaussa che dat en igl è, ch'i dat bain entgins «gnieus» plitost dretgs (Partenz) u sanesters (Mesauc); i dat però era per part grondas differenzas tranter vaschins directs. Uschia sa differenziescha Verdabbio (indicatur 31) marcantamain da ses vischins Leggia (indicatur 51) e Santa Maria (indicatur 50). Era betg sin il medem ladritsch politic han lur fain ils vischins Vuorz (37) ed Andiast (48). In zichel isolà en la cuntrada politica po forsa era Samignun sa sentir ch'elegia plitost partidas da la dretga. Ils vischins da Valsot sco era ils proxims vischins da Scuol han dà lur vusch plitost a partidas pli datiers dal center e da la sanestra. Scuol e Valsot cuntanschan cun l'indicatur dretg-sanester da 41 omadus il center matematic da la cuntrada politica grischuna.

E las elecziuns l'october?

Tge dian las cifras da l'elecziun dal Cussegl naziunal dal 2011 surda las elecziuns dals 18 d'october? Resultats d'elecziuns d'avant 4 onns na pon per se betg havair la funcziun d'in instrument da prognosa. Per regla na datti en elecziuns svizras dentant paucs gronds midaments. Uschia èsi da quintar per l'elecziun da l'october che vischnancas che han da lur vuschs il 2011 plitost a candidats da partidas da la vart dretga dal spectrum politic vegnan a far quai era ils 18 d'october 2015. Tge ch'è sa midà ils ultims quatter onns è però las posiziuns da las partidas. La PLD per exempel è vegnida pli a la dretga, tge che semussa en las novas zifras publitgadas sin Smartvote.

Artitgels legids il pli savens