Ch’il parlament grischun ha fatg pliras giadas midada, è be ina particularitad en l’istorgia politica dal Grischun. Era las partidas han fatg tras grondas midadas. I deva p.ex. in temp cura che tut ils set cussegliers federals e tut ils parlamentaris grischuns a Berna eran liberals ed i deva in temp nua ch’ils democrats (suenter PPS) han collavurà maun en maun cun ils sindicats a favur dals lavurants. Ils conservativs (oz il PCD) eran encunter l’introducziun da l’iniziativa ed il referendum e la PS gudagnava e perdeva adina puspè sia pussanza.
Ed ussa il 2015, guardan las partidas ora tut auter u èn ellas restadas sco adina? Tge vulan ellas ussa? E tge soluziuns vesan ellas per ils problems actuals? Resposta sin questas dumondas, han dà candidatas e candidats per il Cussegl naziunal.
