Il president da la Partida socialdemocratica PS Christian Levrat po s’imaginar bain d’eleger in’ulteriura giada Eveline Widmer-Schlumpf en il cussegl federal il 2015.
Quai per evitar ina maioritad da la Partida populara svizra cun la Partida liberaldemocratica.
Ils socialdemocrats hajan gia fatg quai 2 giadas e nagut discurria encunter da far quai era ina terza giada, ha ditg Levrat en in’intervista en la gasetta «Le Temps».
Punctuà ina segunda giada
Levrat ha punctuà ina segunda giada da vulair evitar per tut pretsch ina maioritad burgaisa en il cussegl federal. Sche la PPS u la PLD haja mo in cusseglier federal na fetschia tenor el dentant nagina differenza.
