Sco emprima partida grischuna ha la Partida Cristian Democrata giuvna lantschà il cumbat electoral e preschentà ses candidats per las elecziuns dal cussegl naziunal da l'atun.
Melanie Janka da Sursaissa, Corina Caluori dad Igis, Caterina Ventrici e Tino Schneider da Cuira e René Epp da Sedrun sa mettan a disposiziun per in sez en il cussegl naziunal.
La glista saja ferma cun dus deputads dal cussegl grond - tenor il co-president e schef da la cumissiun d'elecziuns Severin Geisseler. Sper quai sajan er tut las trais regiuns linguisticas represchentadas sin la glista da la PCD giuvna.
