La Svizra sco insla en l’Europa gioga ina rolla impurtanta sin quest continent. Malgrà ch’ella è pitschna e betg part da l’Uniun europeica è nos pajais collià stretgamain cun ils 28 pajais commembers da l’UE. Quai sin nivel politic, economic mo era cultural.
2014 ha la Svizra exportà en il spazi da l’UE products en la valur da 128 milliardas francs. Quai è quasi medem bler sco quai che la Svizra ha exportà il medem temp en l’Asia ed en l’USA ensemen. A medem temp lavuran adina dapli burghais da l’UE en Svizra. Quai grazia a las cunvegnas bilateralas e la libra circulaziun da persunas.
En quest connex nus ans avain dumandà co ch'i stat cun la relaziun tranter la Svizra e l’Europa. Easyjet, Erasmus ed Euro – tge è per nus l’Europa? Davart quellas ed autras dumondas avain nus discutà venderdi a Kreuzlingen.
Discutescha era ti - era mobil:
Tge è tia opiniun? Co vesas ti l'Uniun europeica?
Avant, durant e suenter l'emissiun live pos Ti far part a la discussiun via Twitter (#politbox), Facebook ubain Instagram. Nus vulain savair tia opiniun!