L'ultima giada (2011) è radund in terz dals giuvens tranter 18 e 24 onns ì a l'urna tar las elecziuns. Quai è signifitgantamain pli pauc che la media da l'entira populaziun svizra; questa munta a radund la mesadad (48,5%).
Pertge èn elecziuns uschè nunattractivas per la giuventetgna? Pertge è la politica - almain a prima vista - uschè cumplitgada e betg «sexy»?
Sin ses viadi tras la Svizra fa la politbox fermada a Turitg en la Scol'auta politecnica sin il Hönggerberg. Là vegn discutà cun giuvens ed experts davart la dumonda centrala: «Eleger - pertge e co?».
Gievgia, ils 1. d'october a partir da las 12:00 da mezdi, live da la «ETH Höngg». Guarda qua il stream live.
Ta participescha a la discussiun
Tge pensas ti da quest tema? E co vesas ti tes futur? Ti pos ta participar al tema avant e durant l’emissiun cun #politbox e sur la pagina da Facebook da politbox. Tia opiniun ans interessescha!