Elecziuns federalas 2015 - politbox on tour #6: «LongLake Festival» a Lugano
Co vinavant cun la politica da migraziun? Sto la Svizra restrenscher l’immigraziun ni duessan nus porscher in da chasa ad uschè blers fugitivs sco pussaivel? Quai ha discutà la «politbox» gievgia, ils 23 da fanadur live al «Long Lake Festival» a Lugano.
Il Tessin duessi serrar ils cunfins e puspè introducir las controllas a la duana. Quai è ina da las propostas che ha procurà per discussiuns en Svizra. Ma pertge datti tuttenina talas propostas? E co vegn la politica da migraziun da la Svizra recepida en il Tessin?
Sur da quai ha debattà la politbox cun la giuventetgna tessinaisa, pertutgads e fugitivs gievgia, ils 23 da fanadur (17:00) live dal „LongLake Festival” a Lugano.
Discutescha era ti - era mobil:
Avant, durant e suenter l'emissiun live pos Ti far part a la discussiun via Twitter, Facebook ubain Instagram.
