Elecziuns federalas 2015 - Verd-liberals duain far patratgs davart colliaziun da glistas
En vista a las elecziuns dal cussegl naziunal l'onn che vegn fa la Partida populara svizra PPS reclama per ina «colliaziun da glistas» cun ils Verd-liberals.
Il president da la PPS Toni Brunner intimescha ils Verdliberals da far patratgs davart ina colliaziun da glistas cun la PPS e la PLD.
Sco quai che Brunner ha ditg envers la "Schweiz am Sonntag" giaja quai per rinforzar las partidas burgaisas tar las "elecziuns da direcziun" il 2015. El rumpia perquai in tabu.