Siglir tar il cuntegn

Header

Navigaziun

cuntegn

Elecziuns naziunalas Barometer d'elecziuns – presidents da partida prendan posiziun

L'emprim barometer d'elecziuns da l'onn 2019 mussa: La partida verda gudogna votants - la partida populara (PPS) è la gronda perdenta. Ils presidents dad omaduas partidas prendan posiziun.

Ils 21 favrer 2019 ha il post da perscrutaziun «sotomo» preschentà ils resultads dal barometer d'elecziuns. In aspect che dat immediatamain en egl: La PPS perda 2.4% ed ils verds gudognan percunter medemamain 2.4%.

La PPS fa nagins quitads

Il president da la PPS Grischuna, Heinz Brand, n'ha nagina tema che la PPS fetschia nagin bun resultat tar las elecziuns naziunalas da l'october. L'enquista saja per el in maletg da la situaziun actuala. Qua hajan surtut temas actuals sco per exempel il clima influenzà las cifras.

Ils verds fetschian vinavant pressiun

Il president dals verds dal Grischun, Nicolas Zogg, ha plaschair dal resultat, dentant è quel be da curta durada. El è conscient ch'i po midar anc in massa en ils nov mais fin tar la dumengia d'elecziuns. El senta che l'ambient daventa adina pli actual per la glieud ed ch'i dat adina dapli glieud che sustegna las lingias directivas da la partida verda.

RR actualitad 07:00