Siglir tar il cuntegn

Header

cuntegn

Facits suenter l'inscunter «Ellas han prendì a cor nossa situaziun»

Fitg simpatic - uschia resumeschan Sandra ed Andri Baltermia l'inscunter cun Anita Mazzetta (La Verda) e Martha Widmer-Spreiter (PBD). I saja stà in discurs avert e las candidatas per il Cusegl naziunal hajan prendì a cor lur sfida da pajar adina dapli permias per las cassas da malsauns.

Per tuts quatter è in tal inscunter stà ina premiera. Sandra ed Andri Baltermia han numnadamain avert lur isch-chasa per las duas politicras ed han discurrì cun ellas vid maisa-cuschina davart las premias per las cassas da malsauns che creschan ad in crescher.

Miraclas na pon era ellas betg far.
Autur: Andri BaltermiaPur e bab da famiglia da Salouf

Anita Mazzetta (La Verda) e Martha Widmer-Spreiter (PBD) hajan prendì serius lur situaziun en famiglia. Uss speran Sandra ed Andri Baltermia ch'ellas prendian a cor lur discussiun – era sch'els èn cunscients ch'il tema è cumplex e ch'i dovra ina refurma pli gronda per evitar che las premias creschan uschè fitg sco ils ultims onns.

Video
Facit da Sandra ed Andri Baltermia
Or da RTR Social dals 12.09.2019.
laschar ir

Sbassar ils custs da sanadad

Il recept magic na dettia betg, manegia Anita Mazzetta. I saja dentant impurtant ch'i vegnia spargnà tar ils custs da sanadad en l'entira Svizra e ch'i vegnia collavurà meglier. Martha Widmer-Spreiter è da l'avis ch'i fiss da restrenscher il dumber da lobists da las cassas da malsauns e da la farmazia en Chasa federala.

Video
Facit dad Anita Mazzetta e Martha Widmer-Spreiter
Or da RTR Social dals 11.09.2019.
laschar ir

RR actualitad 11.00