Siglir tar il cuntegn

Header

cuntegn

Facits suenter l'inscunter «Els han tadlà e gì chapientscha per nossa situaziun»

I saja stà in bel discurs privat, fitg interessant, dian Flurina e Simon Kaufmann Henkel davart lur discurs cun Valérie Favre-Accola (PPS) e Josias Gasser (PVL). Els hajan tadlà e gì chapientscha per la famiglia che cumbinescha carriera e famiglia.

Dus politichers na vegnan betg da midar la societad e las cundiziuns da basa per levgiar a famiglias da cumbinar la famiglia e la carriera. Per exempel cun rumper la progressiun da taglia, cun sustegnair dapli canortas u procurar per congedi da geniturs. Dentant saja quai in’entschatta, e la tematica daventia pli e pli virulenta, uschia che la politica saja sin la dretga via, di Flurina Kaufmann.

Mintga famiglia sto avair la libertad da tscherner quel model da famiglia e lavur, ch'ella less.
Autur: Simon KaufmannBab e manager da products
Video
Facit da Flurina e Simon Kaufmann
Or da RTR Social dals 19.09.2019.
abspielen

Rumper la progressiun da taglia

Josias Gasser less levgiar il squitsch da taglia cun ina taglia individuala. Era in congedi da geniturs contribuiss a l’egualitad tranter um e dunna. Valérie Favre Accola less era rumper la progressiun da taglia, dentant betg sur la via da la taglia individuala. Ins sto crear circumstanzas uschè attractivas che las dunnas van gugent a lavurar e n’han betg il sentiment ch’ellas stoppian trametter lur paja al stadi.

Video
Facit da Valérie Favre Accola e Josias Gasser
Or da RTR Social dals 19.09.2019.
abspielen

RR actualitad 11:00