Siglir tar il cuntegn

Header

cuntegn

Facits suenter l'inscunter «Trair vinavant noss projects è er pensum da la politca»

Ils dus politichers Carmelia Maissen (PCD) e Duri Campell (PBD) hajan prendì serius lur fastedis, quai dian Peter Vesti e Petra Camathias. Uss saja la balla tar la politica. Ils dus rumantschs en la diaspora speran che lur projects da promoziun dal rumantsch vegnian sustegnids.

Ch'i dettia uss betg gist d'in di sin l'auter midadas, da quai èn Petra Camathias e Peter Vesti pertscharts. Ma tuttina speran els dus ch'èn engaschads en projects da promoziun dal rumantsch a Turitg sin sustegn. Uss hajan els dus mussà a Carmelia Maissen e Duri Campell che project concrets sajan denturn e ch'i drovria sustegn.

video
Facit Petra Camathias e Peter Vesti
Or da Giuventetgna dals 03.10.2019.
laschar ir. Durada: 2 minutas 24 Secundas.

Per il burgaisdemocrat Duri Campell è ina chaussa clera, la politica saja betg quella ch'haja da vegnir cun projects. Ideas ed iniziativas drovia quai da las persunas ch'èn en la diaspora. Uschia sco ils projects da Petra Camathias (presidenta Quarta Lingua) e Peter Vesti (iniziant Canorta Rumantscha). Sch'ils projects sajan buns lura saja er la schanza intacta da survegnir sustegn finanzial è Campell persvadì. Er Carmelia Maissen è da l'avis ch'i dovra ideas dals pertutgads. Ella vesa dentant er schanzas per la promoziun da rumantsch sin ils champs da la digitalisaziun e la furmaziun. Er là stuessi la politica vegnir pli activa.

video
Facit da Carmelia Maissen e Duri Campell
Or da Giuventetgna dals 03.10.2019.
laschar ir. Durada: 2 minutas 53 Secundas.

RR actualitad 11:00

Artitgels legids il pli savens