Siglir tar il cuntegn

Header

audio
Bunura: Berna – Atmosfera sessiun cun parlamentaris grischuns
Or da Actualitad dals 22.03.2019.
laschar ir. Durada: 04:15 minutas.
cuntegn

In mez onn avant L'influenza da las elecziuns sin il parlament

I è ina cumbinaziun heicla che procura per in’atmosfera speziala. Tuttenina da il parlament ora pli gugent raps e las partidas midan dad in mument a l’auter idea. Il cumbat electoral per il parlament è definitivamain arrivà en Chasa federala. Quai conferman ils parlamentariAs grischunAs.

La fevra è auta in mez on avant las elecziuns. Politicras e politichers vegnan agitads e las partidas emprovan da conquistar mintga vusch pussibla. In fatg che ha in effect sin la politica ch'els fan per il mument, concedan ils parlamentaris e las parlamentarias grischunas. «Envers la populaziun na è quai betg gist», di il cusseglier naziunal dal PBD Duri Campell. E la cussegliera naziunala Magdalena Martullo dal PPS intuna la generusitad dal parlament avant las elecziuns.

Uschè vul la chombra gronda dar ora 1 milliarda dapli per la construcziun da vias che il cussegl federal – en tut 5.7 milliardas. La chombra pitschna ha augmentà il budget per binaris da 12 sin 12.8 milliardas francs.

Franschisas fan furora

L'exempel che procura per il mument per la pli gronda furora èn las franschisas da la segirada da las cassas da malsauns. Il Cussegl naziunal ha decidì avant bunamain duas emnas d’augmentar la franschisa minimala cura ch'i fetschia da basegn per 50 francs. In emprim pass foss d'augmentar la franschisa da 300 sin 350 francs.

Ils burgais han cumbattì per in auzament, han votà persuenter. Ed uss vulan els sbittar il project. Il PPS ha annunzià ch'els midan opiniun. Il Cusseglier naziunal dal PPS Heinz Brand, na chapescha la decisiun da sia partida betg:

Quest è senza dubi ina decisiun che vegn ord mia vista ad esser in'unfrenda dal cumbat electoral. Cleramain mo pervi dal timing di mia partida uss na.
Autur: Heinz BrandCussgler naziunas PPS

Heinz Brand, ch'è president da santésuisse e beneventass in gea al project.

Ma era il PCD, la partida da Martin Candinas, vul anc ina giada studegiar davart la decisiun avant dus emnas. Ed igl è da udir ora che in midament da l'opiniun da sia partida na persvadess a Candinas, che lavura per ina cassa da malsauns: «Sch'ils burgais èn consequents, voteschan tuts per in auzament». Dentant era il PLD saja vi dal studegiar da midar avis, è dad udir sin ils sulers da la Chasa federala.

Naginas elecziuns – nagin'agitaziun

La cussegliera da la partida social democratica Silva Semadeni na vegn betg pli a candidar. Ella possia prender patgific quai che pertutga elecziuns e na sto betg esser agitada sco auters collegas.

Dentant era ils dus Cussegliers dals chantuns Stefan Engler e Martin Schmid n'èn betg gnervus, conferman els. Nagina surpraisa: lur sezs valan sco quasi segirs era per la proxima legislatura. Ils «gieuins» sajan pli chaussa da la chombra gronda dian els. Il parlament federal vegn elegì ils 20 october 2019.

RR actualitad 08:00