audio
Partidas da la sanestra
ord Actualitad dals 20.10.2019.
laschar ir. Durada: 4 minutas 5 Secundas.
- Tenor Philipp Wilhelm, il president da la Partida socialdemocratica, è la PS adina stada da l’avis ch’ins possia conquistar dus sezs. E cun grond engaschament saja quai ussa stà pussaivel.
- Gaudenz Bavier, il president da la PVL, manegia che la fortuna na saja questa giada betg stada da lur vart. El è dentant da l’avis che Sandra Locher Benguerel vegnia a prestar buna lavur a Berna.
- Anita Mazzetta, presidenta da la Verda, n’è betg trumpada dal resultat dad oz. Lur partida n’haja mai quintà da far in sez ed haja candidà per l’allianza dal clima. Ella saja fitg cuntenta e da l'avis che la forza verda saja era ina forza per il Grischun e quai stoppian ins ussa prender per enconuschientscha.
audio
Partidas dal center (PBD, PLD, PCD)
ord Actualitad dals 20.10.2019.
laschar ir. Durada: 4 minutas 30 Secundas.
- Bruno Claus, president da la Partida liberaldemocratica, è stà conscient dal ristg da pudair perder in sez. Cun Anna Giacometti hajan els uss ina buna candidata a Berna.
- Tenor Silvia Casutt, vicepresidenta da la Partida cristiandemocratica, n’hai tar els betg dà grondas surpraisas. Cun Martin Candinas han els in fitg ferm candidat. Els hajan dentant era gì auters candidats ch'hajan fatg in bun cumbat electoral e quel possian ins be far communablamain, be ina persuna na tanschia betg.
- Beno Niggli, president da la Partida burgais-democratica, la partida ch'ha pers entaifer questa colliaziun da glistas n’haja betg quintà cun questa sperdita. En quatter onns veglian els far tut per puspè cuntanscher la forza da fin qua.
audio
Partida da la dretga (PPS)
ord Actualitad dals 20.10.2019.
laschar ir. Durada: 4 minutas 25 Secundas.
- I fetschia mal da perder in sez, cunzunt perquai che la PPS haja pudì mobilisar dapli votantas e votants, uschia il facit dal schef da fracziun da la PPS, Jan Koch. Ch’i n'haja betg tanschì per Heinz Brand saja da deplorar. Che Magdalena Martullo-Blocher haja dumagnà la reelecziun, quai saja segir era da contribuir a ses engaschi extraordinari durant il cumbat electoral.
RR elecziuns 2019