Siglir tar il cuntegn

Header

Navigaziun

cuntegn

Mazzetta & Widmer-Spreiter Mirvegliusas sin l'inscunter

Ellas s'enconuschan gia daditg: Anita Mazzetta (La Verda) e Martha Widmer-Spreiter (PBD) – omaduas fan dapi blers onns politica a Cuira. In'aventura sco per «Ti ed jau faschain politica» n'han ellas dentant anc mai fatg ensemen.

Gnervusas na sajan ellas betg avant l'inscunter cun la famiglia Baltermia, accentueschan las duas candidatas per il Cussegl naziunal. Ellas sa legrian dentant sin in bun discurs e da vegnir a savair dapli da la sfida da Sandra ed Andri Baltermia da Salouf en connex cun las premias da las cassas da malsauns.

L'inscunter da Sandra ed Andri Baltermia cun Anita Mazzetta e Martha Widmer-Spreiter vegn publitgà ils 11 da settember da mezdi sin www.rtr.ch ed è era tema al Radio Rumantsch ed en il Telesguard.

Il project da RTR «Ti ed jau faschain politica»

Il project da RTR «Ti ed jau faschain politica»

Persunas sco ti ed jau envidan candidatas e candidats per il Cussegl naziunal ad ina baterlada. Enturn maisa raquintan els dad ina sfida che fatschenta els en lur mintgadi. Quels 5 inscunters emetta RTR durant 5 mesemnas:

  • 04-09 Ovras socialas tar Ruodi Duschletta, Sent
  • 11-09 Sanadad tar Sandra ed Andri Baltermia, Salouf
  • 18-09 Economia tar Flurina e Simon Kaufmann-Henkel, Cuira
  • 25-09 Clima tar ina classa da la scola media, Glion
  • 02-10 Diaspora tar Peter Vesti e Petra Camathias, Turitg

Tar mintga tema dain era in sguard en l'istorgia, preschentain cifras e fatgs e numnain las sfidas actualas.

Las elecziuns naziunalas èn ils 20 d'october 2019.

RR actualitad 07.00