Siglir tar il cuntegn

Header

cuntegn

Tema 4: Clima Nagin en il Grischun producescha pli bler CO2

Interpresas che produceschan cement tutgan en Svizra tar las interpresas cun las pli autas emissiuns da CO2. L'ovra da Holcim a Vaz Sut è da chattar sin plaz 4 guardà sin l'entira Svizra. Quai tenor ina statistica da l'Uffizi federal d'ambient dal 2017.

L'interpresa Holcim a Vaz Sut producescha mintg'onn radund 800'000 tonnas cement. E la producziun da cement dovra fitg blera energia. Tar 1'450 grads vegn il crap brischà e luà en in grond furn.

Sch'ins brischa crap, sche lura datti CO2. Quai è in process chemic ch'ins na po betg midar.
Autur: Loris Zanolari manader da producziun tar la Holcim a Vaz Sut
audio
Bunura: Ti ed jau faschain politica – Visita tar Holcim a Vaz Sut
ord Actualitad dals 25.09.2019.
laschar ir. Durada: 3 minutas 10 Secundas.

«Nus pudain spargnar tar il material da brischar»

Tuttina vegn mess tar il concern da Holcim gronda paisa sin la reducziun da CO2. Quai per exempel tar il material dad arder. Radund 60% dal material da brischar a Vaz Sut è anc charvun brin. Enstagl da quest charvun brin ch'è atgnamain usità en ovras da cement, brischan els dentant pli e pli savens cun nov material. Quai èn materias sinteticas declera il manader da producziun tar la Holcim, Loris Zanolari. Plinavant er cun farina d'animals e lozza da serenera.

La finamira è che nus avain in di mo pli material da brischar alternativ e nagin charvun pli.
Autur: Loris Zanolari manader da producziun tar la Holcim a Vaz Sut

Entras mesiras permanentas ha la Holcim a Vaz Sut gia reducì ils ultims 30 onns il CO2 per 30%. Tranter auter ha l'interpresa investì ils ultims mais 5 milliuns francs en in nov filter per il furn.

RR actualitad 08:00

Artitgels legids il pli savens