Il nov procuratur public general sa numna Stefan Blättler. L'Assamblea federala ha elegì il successur da Michael Lauber cun 206 da 208 vuschs valaivlas. L'elecziun dal giurist e cumandant da la polizia da Berna valiva sco segira.
Bler sustegn
Il parlament è cunquai suandà la proposta da sia cumissiun da dretgira. Qualla aveva cusseglià il Bernais senza partida sco sulet candidat. Tut las fracziuns han sustegnì Blättler. Cun sia elecziun va a fin in lung vi e nà davart la successiun da Michael Lauber. Trais giadas aveva la cumissiun da dretgira scrit ora il post. Sin Blättler spetgan pretensiusas incumbensas. El vegn a stuair transfurmar bler enturn Procura publica federala. Per questa lavur ha el be sis onns temp.