Siglir tar il cuntegn

Svizra Eleger derschaders federals cun trair la sort

La chanzlia federala ha examinà l'iniziativa da giustia: Ils iniziants pon cumenzar a rimnar las suttascripziuns.

Maletg simbolic cun figura da justizia.
Legenda: Las suttascripziuns per l'iniziativa da giustia pon vegnir rimnadas. Keystone

L'iniziativa da giustia vul far pli independenta la giustia da la politica. Ils iniziants èn persvas che las opiniuns politicas en la populaziun vegnan buc avunda resguardadas cun il sistem actual tar las elecziuns da derschaders. Ils iniziants vulan perquai, ch'ils commembers dal Tribunal federal vegnan en futur elegids cun trair la sort.

Cun il sistem proponì da l'iniziativa duessan las linguas uffizialas esser represchentadas a moda adequata. Per pudair vegnir elegì sco derschader federal duessan quintar sulettamain las qualitads professiunalas e persunalas. Sur da las qualificaziuns d'in eventual candidat u candidata avess lura ina cumissiun dal Cussegl federal da decider. Cunquai che las derschadras ed ils derschaders restan en uffizi enfin tschintg onns suenter ch'els han cuntanschì la vegliadetgna da pensiun, vegni era impedì ch’i possia vegnir fatg squitsch tar ina reelecziun.

Las 100'000 suttascripziuns per l'iniziativa da giustia pon uss vegnir rimnadas enfin ils 15 da november 2019.

RR novitads 14:00