En il sectur ambulant duain ils assicurads pudair tscherner lur medi libramain en Svizra - e quai senza ch'i resortia ad els tras quai dischavantatgs finanzials. Sco emprim cussegl ha il Cussegl dals chantuns approvà ina revisiun da la lescha davart l'assicuranza da malsauns unanimamain.
Ozendi vegnan ils custs restituids maximalmain tenor la tariffa che vala al lieu da dimora da l'assicurà. Sch'ils custs per in tractament èn en in auter lieu pli auts, sto l'assicurà pajar sez la differenza. Quai duai sa midar tras la revisiun da la lescha.
La fatschenta va uss en il Cussegl naziunal.
RR novitads 12:00