La SSR ha preparà dapi onns da purtar la qualitad HD enstagl da la qualitad da standard SD sin satellit. Cumenzà hai l’onn 2007 cun il program da satellit HD suisse. Dapi 4 onns furnescha la SSR tut ses programs da televisiun sur satellit parallel en SD e HD. Quest servetsch parallel che custa bler va a fin ils 29 da favrer 2016.
Pertutga mo la recepziun sur satellit
Las bleras chasadas svizras retiran lur programs da televisiun cun apparats moderns en qualitad HD. Pertutgadas da la midada actuala sin HD èn mo var 10% da las chasadas che retiran ils programs da la SSR sur satellit. Quellas nizzegian davent dals 29 da favrer 2016 la funcziun da laschar tschertgar emetturs da lur televisiun, per pudair consumar vinavant ils programs da televisiun e radio da la SSR.
Nagina midada per ils blers
Per chasadas che retiran ils programs da la SSR en qualitad standard SD sin autras vias (antenna, cabel, internet u boxa digitala) resta tut tuttina. Betg exclus èsi dentant ch’intgins furniturs da signal sco Cablecom u Swisscom adatteschan il medem mument lur raits. Alura pon ils abunents da talas raits sa drizzar directamain a questas interpresas.