Svizra - Emetturs privats s'engaschen per la lescha LRTV
Las staziuns privatas da radio e televisiun s'engaschan per la nova lescha che va en votaziun ils 14 da zercladur.
Quella na portia betg mo taxas pli bassas mabain rinforzia er las staziuns privatas envers la SSR SRG, scrivan las associaziuns da las passa 60 staziuns privatas.
In na a la nova lescha da radio e televisiun LRTV avessia consequenzas catastrofalas per la scena da radio e televisiun privata en Svizra. Tar in na fiss periclità il service public regiunal ed uschia er la diversitad da medias en las regiuns.
En total survegnan ils emetturs privats cun in'incumbensa da service public actualmain radund 54 milliuns francs ad onn. Cun la nova lescha pudessen els survegnir fin 27 milliuns francs supplementarmain.
