Emil Rahm, l'inventader dal champagner d'uffants Rimuss, è mort venderdi passà en la vegliadetgna dad 85 onns. Quai resorta da l'annunzia da mort en la «Schaffhauser Nachrichten» dal mardi.
Da 1969 fin 2006 manava Emil Rahm ensemen cun ses frar ils tschalers da vin Rahm AG a Hallau.
L'anteriur commember da la PPS e conservativ da la dretga era in ferm adversari da l'EWR, da l'adesiun a l'ONU e da la norma penala davart l'antirassissem. Perquai ch'el ha publitgà en sia atgna pitschna chasa editura in cudesch antisemitic, era el vegnì sentenzià il 1997.
