Las moderaturas ed ils moderaturs da las quatter regiuns linguisticas, Corina Schmed (RTR), Sven Epiney (SRF), Sandy Altermatt (RSI) e Jean-Marc Richard (RTS) scuvran en differentas reportaschas ils secrets da la citad e vegnan uschia er en lieus che strusch ils indigens enconuschan.
Berna è probabel ina da las chapitalas las pli patgificas dal mund: Nua auter pon ins flanar sut arcadas, far bogn en il flum cun vista sin il bajetg dal parlament u giudair la vita en ustarias da curtin cumadaivlas? Berna ha però er da porscher bler dasper tut ils clischés.
A la tschertga da perlas e stgazis zuppads
Las moderaturas ed ils moderaturs da tut las quatter parts linguisticas da la Svizra van perquai a la tschertga da stgazis e perlas zuppadas. Nossa moderatura Corina Schmed ha tranter auter pudì guardar ensemen cun Sven Epiney davos la culissas da la Chasa federala – nua ch'igl ha dà ina u l'autra surpraisa.
Ensemen cun l'inspectur chantunal per aua da baiver e da far bogn – l'Engiadinais Rudolf Robbi – ha Corina er pudì scuvrir las profunditads da Berna – en las «gassas sutterranas» nua che strusch ina turista u in turist vegn.
E schon bunamain tradiziunalmain ha era spetgà ina challenge sportiva sin Corina. Il current da l'Aara che curra tras la citad na pon ins betg mo duvrar per laschar trair dal flum giu, mabain er per far surfing. Pli precis: Bungee surfing. Il support ha Corina survegnì dal rumantsch Andri Bisaz, che presidiescha il club academic svizzer da far surfing.
In sguard davos las culissas da las registraziuns
-
Bild 1 von 16. Sin la cupla da la Chasa federala cun Martin Candinas: Qua dastgan ils pli paucs ir si. Bildquelle: RTR.
-
Bild 2 von 16. Sven Epiney, Martin Candinas e Corina Schmed sin la cupla da la Chasa federala. Bildquelle: RTR.
-
Bild 3 von 16. La crew dad RTR davant la Chasa federala. Bildquelle: RTR.
-
Bild 4 von 16. Ils umens da camera tschertgan la scena perfetga. Bildquelle: RTR.
-
Bild 5 von 16. En la sala dal Cussegl naziunal. Bildquelle: RTR.
-
Bild 6 von 16. Ils stgazis da la Chasa federala. Bildquelle: RTR.
-
Bild 7 von 16. Uss vegni da tegnair il nas! La crew ha bel rir :-). Bildquelle: RTR.
-
Bild 8 von 16. Sin la stgala che maina en la chanalisaziun da Berna. Bildquelle: RTR.
-
Bild 9 von 16. En la chanalisaziun da la citad da Berna. Bildquelle: RTR.
-
Bild 10 von 16. In lieu mistic: Il cuvel da stalactits tar il Klösterlistutz. Bildquelle: RTR.
-
Bild 11 von 16. En in dals gigantics reservuars da plievgia da la citad da Berna. Bildquelle: RTR.
-
Bild 12 von 16. Corina e l'inspectur chantunal per l'aua da baiver Rudi Robbi en las profunditads da la citad da Berna. Bildquelle: RTR.
-
Bild 13 von 16. I toffa: Corina è leda da pudair vegnir or da la chanalisaziun da la citad. Bildquelle: RTR.
-
Bild 14 von 16. La crew en acziun: Vista or da la chanalisaziun. Bildquelle: RTR.
-
Bild 15 von 16. Co montar la Go Pro sin l'aissa da surfing? Casper Montalta, Curdin Fliri e Gery Gafner èn semtgads cun tut ils guaffens. Bildquelle: RTR.
-
Bild 16 von 16. La crew: Corina Schmed, Sabina Solèr, Casper Montalta, Curdin Fliri, Gery Gafner e Niklaus Wenger. Bildquelle: RTR.
L'emissiun naziunala: Mardi, il prim d'avust a las 20:10 sin SRF 1
-
Bild 1 von 4. Las moderaturas ed ils moderaturs scuvran ils stgazis e las perlas da Berna. Bildquelle: SRF.
-
Bild 2 von 4. Las moderaturas ed ils moderaturs davant il Zytglogge. Bildquelle: SRF.
-
Bild 3 von 4. La moderatura da RTR, Corina Schmed. Bildquelle: SRF.
-
Bild 4 von 4. Las moderaturas ed ils moderaturs: Jean-Marc Richard (RTS), Corina Schmed (RTR) Sandy Altermatt (RSI) e Sven Epiney (SRF). Bildquelle: SRF.