Emmi augmenta sia fatschenta cun products da latg-chaura

La cumpra dals 80% da l'interpresa spagnola Làcteos Caprinos S.A. saja part da la strategia da crescher en il martgà da nischa, ha communitgà Emmi.

Purtret dal logo dad Emmi. Bild in Lightbox öffnen.

Legenda da maletgs: L'emmi expandescha en l'exteriur e metta sin latg-chaura. Keystone

L'onn 2010 ha Emmi cumenzà cun la fatschenta da latg-chavra. Tranter auter han els cumprà la fatschenta california «Cypress Grove» e la marca svizra «Le Petit Chevrier». La stad passada ha Emmi gia annunzia lur curs d'expander. Uss vegn vidlonder la participaziun tar Làcteos Caprinos.

Emmi vul sur tut vegnir pli ferma en las nischas e crescher vinavant en l'exteriur, di il schef d'Emmi Urs Riedener. Ord quai motiv saja la fatschenta adina a la tschertga d'acquists supplementars.

Nov partenari cun experientscha sin il martgà da latg-chaura

L’interpresa spagnola Làcteos Caprinos che l'Emmi cumpra, occupeschia radund 30 collavuraturs e fetschia ina svieuta da radund 13 milliuns euros ad onn. La fatschenta spagnola producescha principalmain products mezfinids per producents da chaschiel chaura en Spagna e l'exteriur.

Damai che la dumonda da products da latg chaura creschia en Spagna sappia era Emmi a lunga vista bajegiar ora lur fatschenta.

RR novitads 14:00