Siglir tar il cuntegn
Inhalt

Svizra Emmi auza partizipaziun tar Emmi Ambrosi France

Tenor communicaziun ha l'elavuratur da latg uss ina participaziun dad 85% da l'Emmi Ambrosi France.

Purtret dal logo dad Emmi.
Legenda: Emmi ha auzà sia cumpart dad Emmi Ambrosi France. Là posseda ella uss 85%. Keystone

Ils 15% restants da la firma tutgan a la gruppa d'Ambrosi taliana, scriva la fatschenta en la communicaziun. Davart ils detagls da la transacziun èn las firmas sa cunvegnidas da taschair.

Emmi Ambrosi France è ina spezialista per pachetadis da chaschiel frestg (uschenumnadas frais-emballé). Plinavant è la firma responsabla per l'execuziun logistica ed administrativa da products da dessert dad A-27 en Frantscha.

RR novitads 09:00