Tgi che posseda in auto electric duai era stuair pajar la taglia per vehichels davent da l'onn che vegn. Quai propona il Cussegl federal en vista a la situaziun finanziala da la Confederaziun. Davent dal prim da schaner 2024 duai valair per ils autos electrics la tariffa da taglia normala da 4%. La taglia vegn incassada sin il pretsch d'import.
Cur che la taglia per vehichels è vegnida introducida l'onn 1997 èn ils autos electrics vegnids deliberads da quella. Uschia han ins vulì promover la mobilitad electrisada. Uss ch'ina pli e pli gronda cumpart dals autos vendids han in motor electric datti damain entradas da tras quella taglia. Duvrads vegnan las entradas per il fond per las vias naziunalas ed il traffic d'aglomeraziun.
Il Cussegl federal ha tramess en consultaziun la midada da l'ordinaziun necessaria.
