Siglir tar il cuntegn

Svizra Emprender d’ir cun auto gia a partir da 17 onns

En Svizra dastgan giuvenils probabel gia bainbaud seser vid la roda da manar gia cun 17 onns. Uschia planisescha il Cussegl federal da sbassar la limita da vegliadetgna per emprender dad ir cun auto.

In permiss d'emprender d'ir cun auto.
Legenda: Il Cussegl federal vul lubir d'emprender d'ir cun auto a partir da 17 onns. Far l'examen resta dentant tar 18 onns. Keystone

La cussegliera federala Doris Leuthard ha ditg en l’ura da dumondas dal Cussegl naziunal che quai dettia gia propostas concretas. In dals puncts centrals saja che uschia possia vgnir prolungà il temp d’emprender d’ir cun auto accumpagnà. Scolaras e scolars possian uschia rimnar dapli pratica e quai vegnia era dabun a la segirezza, ha argumentà Leuthard.

Plirs puncts vegnan midads

Il pachet da revisiun cuntegn però anc ulteriurs elements: Uschia duajan tranter auter crescher las pretensiuns per l’examen pratic e teoretic.

RR novitads 17:00