Siglir tar il cuntegn

Header

Ina dunna mussa in termometer per mesirar fevra.
Legenda: Attenziun grippa: fevra è in dals simptoms da la malsogna, diagnostitgada actualmain tar 109 sin 100'000 persunas en Svizra. Keystone
cuntegn

Svizra Emprim'epidemia da la stagiun da grippa en Svizra

La grippa sa derasa vinavant en Svizra. Per l'emprima giada en questa stagiun da grippa discurra l'uffizi federal da sanadad dad ina situaziun dad epidemia.

En cumparegliaziun cun l'emna avant èn ils cas da grippa sa dublads. Concret vul quai dir che sin mintga 100'000 abitantas ed abitants èn s'annunziadas 109 persunas tar lur medi pervia da simptoms da grippa.

Uffants enfin 4 onns èn ils pli pertutgads

Da mintga 100'000 uffants en Svizra han 144 survegnì la grippa. Era las gruppas da vegliadetgna da 5 enfin 14 onns e da 30 enfin 64 onns èn pertutgadas fermamain. En general san ins dentant dir, che la grippa sa derasa tar persunas da tut las vegliadetgnas anc pli fitg che l'emna passada.

Unda da grippa la pli ferma en il Grischun e Tessin

Actualmain èn il Grischun ed il Tessin pertutgads il pli intensivamain da la grippa. Patir pateschan dentant era ils auters chantuns da la Svizra orientala, quel da Turitg sco era las regiuns da Berna, Friburg e dal Jura. Ils pli sans èn il mument anc ils romands.

RR novitads 17:00

Artitgels legids il pli savens

Ir a sanester Ir a dretg