Anc adina van pli paucas persunas cun tren en Svizra. 10% pli pauc traffic da persunas rapporta la SBB cumpareglià cun il temp avant corona. La SBB ha preschentà las cifras dal emprim semester 2022: 142 milliuns francs perdita.
Quai è pli pauc che en il emprim mez onn 2021 durant la pandemia. Là deva igl in minus da 389 milliuns francs. Quitads fetschian ils auts custs d’energia. Ils trens curseschan cun 90% forza idraulica che derivia per gronda part or da atgnas ovras. Actualmain produceschian quellas dentant damain energia pervi da la sitgira.
La SBB en vista d'ina mancanza d'energia smanatschanta
La viafier vul retegnair l'aua en las atgnas ovras idraulicas sco reserva per l'enviern. Quai munta ch'ella cumpra energia en il mument per pretschs che s'auzan fermamain. Gia el emprim mez onn ha la sparta infrastructura ed energia fatg in minus da 24,2 milliuns francs. La situaziun saja anc engrevgiada durant la stad.