Siglir tar il cuntegn

Header

cuntegn

Svizra Emprim quartal 2018: Pli paucas dumondas d'asil

En l'emprim quartal hai dà 14% pli paucas dumondas d'asil en Svizra che l'onn avant.

Dapi l'entschatta 2016 sa reducescha la migraziun vers l'Europa cuntinuadamain. Questa tendenza cumprovan er las cifras da l'emprim quartal en Svizra. 4'051 persunas han en ils emprims trais mais dal 2018 dumandà asil en Svizra. Quai èn 14% pli paucas dumondas che l'onn avant.

Ils blers requirents d'asil derivan da l'Eritrea, la Siria, la Georgia e l'Afganistan.

Vinavant grond potenzial da migraziun

Malgrà la reducziun restia il svilup en las regiuns da conflict intschert ed il potenzial da migraziun è tenor il Secretariat federal per migraziun vinavant considerabel. Uschia possia en curt temp puspè dar in augment da dumondas d'asil.

Ils ultims onns saja il dumber da las persunas che vulan vegnir en l'Europa mintgamai creschì en il decurs da la primavaira e la stad.

RR novitads 14:00

Artitgels legids il pli savens