Siglir tar il cuntegn

Header

cuntegn

Emprima bilantscha Buna racolta da mel en muntogna

En las muntognas datti quest onn ina buna racolta da mel. Il matg bletsch n'è betg stà in problem per ils avieuls en las muntognas, damai ch'il temp da fluriziun è pir il zercladur.

En ils auts grischuns na saja betg da far quitads per la racolta da mel d'avieuls. Quella saja per regla adina regulara damai che l'aura saja sin sur 1'500 meters sur mar pli u main stabila, ha ditg ad RTR, Hans Sprecher, il president da l'Uniun grischuna d'apiculturs.

Tut auter percunter giu la Bassa. En tschertas regiuns pudessi dar il mender onn da mel dapi blers onns; sco i ha num davart da l'uniun dals apiculturs. Il mars chaud haja bunamain laschà explodir las populaziuns d'avieuls. Lura haja dentant dà in fraid e bletsch matg. Cunquai ch'ils avieuls n'hajan betg pudì ir per nectar hajan els maglià sez il mel ch'els avevan gia racoltà,

La bilantscha definitiva da la racolta da mel da quest onn datti l'atun.

Ord l'archiv:

RR novitads 10:00