Venderdi passà ha in chatschader pudì observar sur Mollis en il territori dal Nüen in luf. Tenor ils represchentants dal Uffizi da chatscha glarunais saja cleramain da vesair in luf masculin sin quest video.
Quai è l'emprim mussament cun maletg d'in animal da rapina en la Glaruna dapi ch'ils lufs èn puspè sa chasads en Svizra avant var 20 onns. Uss vegn examinà sch’ina nursa mazzada en la vischinanza è vegnida mazzada dal luf. Quai duai vegnir cumprovà cun ina analisa da DNA.
RR novitads 14:00