Siglir tar il cuntegn

Header

cuntegn

Svizra Emprima siglientada per terz tunnel al Gubrist

A Regensdorf en il chantun Turitg hai dà l'emprima siglientada per in terz tunnel dal Gubrist. In terz tunnel pussibilitescha da charrar sin sis vials. Uschia duai il sviament dal nord da Turitg vegnir distgargià. Là datti fitg savens colonnas.

Il sviament dal nord da diesch kilometers lunghezza è ina da las pli frequentadas parts da l'autostrada en Svizra. Mintga di charreschan fin a 120'000 vehichels là tras e cunquai era tras il tunnel dal Gubrist. Cunquai ch'il tunnel è cronicamain surchargià, duai in terz tunnel gidar.

Il project gida als automobilists en l'entir chantun Turitg e lunsch sur ils cunfins dal chantun.
Autur: Carmen Walker Späh Cussegliera guvernativa, Turitg

Culp da partenza al Gubrist

Ils dus presidents communals da Regensdorf e Weiningen han dà la siglientada iniziala per il terz tunnel al Gubrist enten smatgar sin in buttun. L'avertura dal tunnel è planisada per il 2022. Tenor l'Uffizi federal da vias (ASTRA) custa l'entir project 1,55 milliardas francs. Ils tunnels existents han ins bajegià l'onn 1985.

RR novitads 15:00

Artitgels legids il pli savens