Siglir tar il cuntegn

Header

Il secretari da stadi per migraziun Mario Gattiker e cussegliera federala Simonetta Sommaruga.
Legenda: Il secretari da stadi per migraziun Mario Gattiker e cussegliera federala Simonetta Sommaruga. Keystone
cuntegn

Svizra Emprova da salvar Horizon 2020

La Svizra extenda la libra circulaziun da persunas sin la Croazia. Il secretari da stadi Mario Gattiker segna oz il protocol supplementar a Brüssel, communitgescha il Departament federal da giustia e polizia a confermà.

Suenter la votaziun davart l'iniziativa d'immigraziun avant dus onns, aveva il Cussegl federal anc spustà la fatschenta. Uschia emprova il Cussegl federal da mussar buna veglia envers l’Uniun europeica – e da garantir la participaziun al program da perscrutaziun Horizon 2020. Na ratifitgescha la Svizra betg il protocol fin ils 9 da favrer 2017, smanatschan l'exclusiun dal program.

Realisaziun da l'iniziativa d'immigraziun

Dasper l'avischinaziun a l'UE vegn il Cussegl federal probabel er ad annunziar co ch'el vul metter sun in tetg la libra circulaziun da persunas cun l'UE e l'iniziativa d'immigraziun.

L'iniziativa pretenda tranter auter che l'immigraziun vegnia controllada cun agid da contingents. Quai na sa cunfà però betg cun la libra circulaziun da persunas. Questa cunvegna, ch'è part da las bilateralas I na vul il Cussegl federal dentant betg periclitar. Il donn politic ed economic fiss tenor ses avis memia grond.

Il december passà aveva el annunzià d'introcudir ina clausula da protecziun per pudair limitar l'immigraziun sut tschertas circumstanzas.

RR novitads 10:00

Artitgels legids il pli savens

Scrollar a sanestra Scrollar a dretga