En Svizra duai mintga persuna savair nua ch’il proxim tschaler da protecziun civila è – en cas d’urgenza. Quai pretenda la Conferenza guvernativa per ils affars militars, la protecziun civila ed ils pumpiers. En intgins chantuns enconuschian ils abitants ils lieus da refugi, dentant anc ditg betg tuts, ha ditg il president da la conferenza Paul Winiker. En vista a las experientschas da l’Ucraina na saja quai betg commensurà.
La Confederaziun ha reagì a moda reservada. Ins prendia enconuschientscha da quest giavisch, ha communitgà l’Uffizi federal da la protecziun da la populaziun sin dumonda.
Il Telesguard ha rapportà la primavaira:
video
Nua dessi protecziun en cas da guerra ?
Or da Telesguard dals 08.03.2022.
laschar ir. Durada: 3 minutas 59 Secundas.