Siglir tar il cuntegn
Inhalt

Svizra «En cas urgent» candidess Martullo-Blocher per il Cussegl federal

La cussegliera naziunala Magdalena Martullo-Blocher (GR/PPS) considerass ina candidatura per il Cussegl federal – sche quai fiss urgent. «Il cas urgent» fiss tenor Martullo-Blocher, sche l'UE faschess grond squitsch sin la Svizra, ha ditg la figlia da Christoph Blocher al SonntagsBlick.

Portrait da Martullo-Blocher.
Legenda: La cussegliera naziunala Magdalena Martullo-Blocher (GR/PPS) en il parlament. Keystone

Per Magdalena Martullo-Blocher (GR/PPS)Tar Latiers na fiss n'er sia rolla sco scheffa e possessura da la Ems Chemia nagin impediment. Mintgin saja remplazzabel, ha ditg Martullo-Blocher en l'intervista a la gasetta.

Plinavant deplorescha la cussegliera naziunala da la PPS en l'intervista la collavuraziun cun las autras partidas burgaisas. Uschia saja la PCD «betg constanta e betg serrada» e la PLD impedeschia maioritads en il parlament.

Ultra da quai vul la politicra grischuna dir «gea» tar l'iniziativa da No-Billag e pretenda votaziuns dal pievel tant tar la cumpra da novs jets per l'armada sco er a reguard gieus olimpics en Svizra.

RR novitads 09:00