Las 219 interpresas hajan pajà dividendas a lur acziunaris, malgrà ch'ellas hajan survegnì sustegn da la Confederaziun en connex cun la pandemia. E perquai n'avessan ellas betg dastgà pajar quest daners. Las firmas hajan survegnì credits da sustegn da circa 50 milliuns francs. Quels daners n'hajan els betg pajà enavos e tuttina sbursà dividendas en la valita da 43,12 milliuns. Quai scriva la Controlla federala da finanzas en in rapport.
Controllà passa 125'00
Uss sa fatschenta il Secretariat statal per l'economia Seco cun ils cas da maldiever supponids. Prendì sut la marella ha ella passa 125'000 datas en la valita da 14,55 milliardas francs. L'entschatta matg ha la Confederaziun inoltrà 20 denunzias penalas cun in volumen da credit da var 5 milliuns francs pervi da nunlubida utilisaziun dals credits.
Dapli controllas
Gia a primavaira 2020 hajan els constatà «indizis sin maldiever» tar pajaments da subvenziuns e garanzias solidaricas. Il november 2020 hajan els lura pretendì dapli controllas. E tuttina: Maldiever da daners da corona sajan era suenter in onn e mez in'excepziun, constatescha la Controlla federala da finanzas.
