Siglir tar il cuntegn

Header

Famiglia oriunda da la Siria, en la Germania l'onn 2012, avant in center d'asil.
Legenda: Famiglia oriunda da la Siria, en la Germania l'onn 2012, avant in center d'asil. Keystone
cuntegn

En davos'instanza Fugitivs dastgan reunir cun lur famiglia en Svizra pli spert

Fin uss han fugitivs admess provisoricamain stuì spetgar almain trais onns per reunir lur famiglia en Svizra. La dretgira federala administrativa ha decis da reducir il temp sin dus onns. Cun quai correspunda la lescha svizra a la giurisdicziun dal Tribunal europeic dals dretgs umans.

Laschar spetgar persunas pli ditg che dus onns per reunir lur famiglia violescha il dretg sin ina vita da famiglia da fugitivs e fugitivas. Perquai ston las autoritads svizras examinar ils cas singuls il pli tard suenter dus onns, e decider sche la famiglia dastga er vegnir en Svizra. Quai ha la dretgira federala administrativa decidì. Ina dunna da l'Eritrea aveva purtà plant perquai che ses um stueva star en l'Israel.

Decisiun en il cas singul dependa

La dunna da l'Eritrea ha purtà plant perquai che las autoritads na han tractà sia dumonda per laschar vegnir lur um or d'Israel en Svizra, or da la raschun ch'i na saja betg passà trais onns. Sin quai èn la dunna ida avant il Tribunal administrativ. Quella ha decidì en accordanza cun il Tribunal europeic dals dretgs umans.

Pertutgadas èn persunas ch'han in dretg da star en Svizra provisoric. Ellas dastgan laschar vegnir suenter lur umens u dunnas, ed er ils uffants ch'èn pli giuvens che 18 onns. La fin èsi dentant decisiv, quant intensivas che las relaziuns da famiglia èn, il stan da l'integraziun da la persuna en Svizra, e tge obstachels per ina vita da famiglia en il pajais d'origin ch'i dat.

audio
Per tadlar:las novitads da las 12:00
ord RTR Audio dals 07.12.2022.
laschar ir. Durada: 6 minutas 12 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga